Llwyddo gyda'ch Astudiaethau
Mae'r brifysgol eisiau rhoi cyfle cyfartal i bob myfyriwr i lwyddo, ac i ddatblygu eich potensial llawn, ac mae gennym lawer o gefnogaeth i'ch helpu chi.
Mae'r brifysgol hefyd wedi ymrwymo i hybu uniondeb academaidd. Mae uniondeb academaidd yn golygu bod yn onest, yn ddibynadwy, yn weithgar, yn deg ac yn barchus wrth greu a chyflwyno gwaith, ac mae'n berthnasol i arholiadau a gwaith cwrs (gan gynnwys gwaith ysgrifenedig a llafar, traethodau hir a thraethodau ymchwil).
Mae'n bwysig mai eich gwaith eich hun yw'r gwaith rydych chi'n ei gyflwyno, eich bod yn dweud wrthym am broblemau wrth iddynt ddigwydd, a'ch bod yn dilyn rhai rheolau sylfaenol, fel y rhai ar waelod y dudalen hon.
Ond rydym ni'n gwybod y gall llwyddo gyda'ch astudiaethau fod yn anodd.
Ydych chi'n teimlo dan straen neu ddiffyg ysgogiad? Cael trafferth i orffen mewn pryd? Poeni am gyfeiriadau, neu sgiliau Cymraeg/Saesneg? Eisiau gwella, ond ddim yn si诺r sut i wneud hynny?
Ydi hi'n ymddangos yn haws i roi'r gorau iddi, neu brynu traethawd?
Stopiwch a meddyliwch!
Pam ydych chi eisiau twyllo? Oes yna ddewis arall?
Beth os cewch eich dal?
Beth wnewch chi ei ddysgu os byddwch chi'n talu i rywun arall wneud eich gwaith?
Ydych chi hyd yn oed yn gwybod y bydd y traethawd rydych chi eisiau ei brynu yn cael y radd rydych chi ei heisiau?
Rydych chi eisoes wedi talu am eich cwrs ac am yr holl help am ddim a chyfeillgar rydym ni'n ei gynnig i chi. Beth am ddechrau yno?
Gofynnwch am gyngor...
Mae gan bob myfyriwr diwtor personol. Gellwch weld pwy yw eich tiwtor personol ar FyMangor. Mae ef/hi yn aelod o'r staff academaidd a all gynnig cymorth priodol, amserol a chyfrinachol i chi gyda phroblemau sy'n effeithio ar eich astudiaethau.
Mae'r T卯m Cefnogi Dysgu ac Addysgu yn helpu myfyrwyr i wella eu sgiliau cymryd nodiadau, sgiliau mewn arholiadau a chyflwyno, sgiliau cynllunio a rheoli amser, sgiliau mathemateg ac ystadegau, defnyddio tystiolaeth a chyfeirio ati'n briodol, cael hyd i ffynonellau perthnasol, saerniaeth ac arddull traethodau/adroddiadau, datblygu dadl, darllen ac ysgrifennu beirniadol, sgiliau hunan-olygu, a defnyddio sylwadau a meini prawf asesu. Gwneir hyn mewn apwyntiadau un-i-un cyfrinachol neu mewn gweithdai i grwpiau.
Mae'r Llyfrgell yn cynnig modiwlau, gweithdai ac apwyntiadau i grwpiau bychain neu unigolion, i roi cymorth gyda defnyddio adnoddau priodol, canllawiau ar dechnegau chwilio, strategaethau ar gyfer cyflawni ymchwil o ansawdd da, cyngor ar l锚n-ladrad a chyfeirio, defnyddio offer cyfeirio fel Mendeley, cefnogaeth gydag adolygiadau systematig, hawlfraint, a chael cyhoeddi eich gwaith.
Mae yna hefyd lawer o lawlyfrau yn y llyfrgell ac adnoddau ar-lein y gellwch eu defnyddio, yn enwedig yng nghanol y nos, pan nad oes unrhyw un o gwmpas i ofyn am help.
Help gydag aseiniadau, arholiadau, cyflwyniadau, mathemateg ac ystadegau, cymryd nodiadau, rheoli amser:
Help gyda phroblemau personol, gan gynnwys anableddau, cyllid, neuaddau, cyngor cyflogaeth:
Llwyddwch!
Dychmygwch pa mor gyffrous fydd Graddio unwaith y byddwch wedi cwblhau eich gradd ac yn gallu bod yn falch o'ch llwyddiannau. Meddyliwch pa mor dda y byddwch yn gwneud yn eich gyrfa oherwydd yr holl wybodaeth a sgiliau sydd gennych. Ni ellwch brynu'r rhain, a dim ond trwy eich gwaith yn y brifysgol y gellwch eu hennill.
Y darn difrifol鈥�
Mae'n rhaid i chi ddarllen a dilyn y rheolau a'r rheoliadau hyn.
Trefn Uniondeb Academaidd: /regulations/procs/proc05.php.cy
Rheoliadau Cyffredinol i'r holl Fyfyrwyr: /regulations/regulations/reg13.php.cy
Y Llyfrgell: Polisi Defnydd Derbyniol: /library/about/acceptable-use.php.cy
TG: Polisi Defnydd Derbyniol: /itservices/policies/accept_use.php
Am yr holl reoliadau academaidd eraill, gweler: /regulations/index.php.cy
Rydym yn dymuno'r gorau i chi gyda'ch cwrs ac yn gobeithio eich gweld yn y Ganolfan Sgiliau Astudio, y Llyfrgell, neu swyddfa eich tiwtor yn fuan!