Mae pob un o'n gweithgareddau wedi'u seilio ar un nod, sef ysbrydoli meddyliau ifanc a chreu cyfleoedd ar gyfer y dyfodol.
Cefnogaeth Bynciol Safon Uwch
Sesiynau dan arweiniad arbenigwyr mewn economeg, marchnata a chyfrifeg ariannol i gryfhau gwybodaeth a meithrin hyder. Wedi'u cynllunio ar gyfer disgyblion blynyddoedd 12–13.
Caffi Gyrfaoedd
Cyfarfodydd hamddenol, rhyngweithiol lle gall disgyblion (blynyddoedd 11–13) ystyried llwybrau gyrfa a chlywed straeon go iawn gan weithwyr proffesiynol.
DataBusnesBangor
Gweithdai ymarferol ar ddadansoddi data a rhaglennu, yn cyflwyno sgiliau digidol hanfodol mewn ffordd ymarferol a diddorol i ddisgyblion blynyddoedd 12–13.
Her Fuddsoddi
Gweithgaredd chwim yn efelychu masnachu ac yn datblygu sgiliau megis gweithio fel tîm, datrys problemau a gwneud penderfyniadau o dan bwysau. Ar gyfer disgyblion Blwyddyn 12.
Gweithdai Arweinyddiaeth Uchelgeisiol
Sesiynau hwyliog ac ysgogol sy'n meithrin hyder, yn datgloi uchelgais, ac yn hau hadau llwyddiant ar gyfer y dyfodol. Ar gyfer disgyblion blynyddoedd 9–11.
Cynadleddau Chweched Dosbarth
Mwy na darlithoedd — mae'r cynadleddau deinamig, ymarferol hyn yn cynnwys gweithdai ysbrydoledig lle bydd disgyblion yn cael profiad ymarferol o ddysgu mewn prifysgol, yn cael dod i gyswllt â'r llywodraeth, arbenigwyr yn y diwydiant, a chyrff proffesiynol, ac yn cael archwilio'r ystod eang o gyfleoedd y gall addysg uwch eu cynnig.
Gweithio mewn Partneriaeth a Chydweithio
Drwy weithio ochr yn ochr â Llywodraeth Cymru, Sefydliad Cyfrifwyr Siartredig Cymru a Lloegr, a STEM Cymru, rydym yn ymestyn ar ein cenhadaeth o ysbrydoli meddyliau ifanc a chreu cyfleoedd ar gyfer y dyfodol:
- Cynadleddau Chweched Dosbarth (Llywodraeth Cymru): Gweithdai diddorol a sesiynau rhyngweithiol sy'n dod ag addysg uwch yn fyw.
- Projectau STEM (STEM Cymru): Arddangos elfennau digidol, elfennau datrys problemau ac elfennau arloesol ein rhaglenni — gan annog mwy o ferched i ystyried busnes.
- Dyfodol Cyfrifeg (Sefydliad Cyfrifwyr Siartredig Cymru a Lloegr): Agor llwybrau i'r proffesiwn cyfrifeg ac amlygu'r amrywiaeth eang o yrfaoedd sydd ar gael.
Gyda'i gilydd, mae'r cydweithrediadau hyn yn helpu disgyblion i feithrin hyder, codi dyheadau, a gweld addysg uwch fel llwybr at ddyfodol cyffrous.
Gweithgareddau
Her Fuddsoddi Mehefin 2025
Ar ddydd Gwener, 27 Mehefin, fe wnaethom estyn croeso i ddisgyblion Safon Uwch gymryd rhan yn yr Her Fuddsoddi lle cawsant brofiad ymarferol a hynod ddiddorol.
Aeth myfyrwyr ar daith o amgylch y brifysgol a mynd i weld yr ystafell fasnachu, lle cawson nhw ddysgu am werth terfynellau Bloomberg a dysgu am fasnachu mewn banciau buddsoddi.
Gwobrwyo Enillydd yr Her Fuddsoddi
Dyfarnwyd y wobr i Daniel Twigge o Ysgol Bodedern am gymryd rhan yn yr Her Fuddsoddi.
Cynigiodd y profiad ymarferol hwn fewnwelediad go iawn i fyd chwim masnachu.
Cynhadledd Darganfod Data Mawrth 2025
Fe wnaethom estyn croeso i ddisgyblion o flynyddoedd 11, 12 a 13 yn ysgolion gogledd Cymru a'u trochi ym myd chwim dadansoddeg data busnes.
Yn cymryd rhan yn y gynhadledd roedd siaradwyr arbenigol o Lywodraeth Cymru, Google, a sefydliadau blaenllaw eraill, gan roi mewnwelediad i sut mae data yn trawsnewid busnes.
Cynhadledd Darganfod Economeg Hydref 2024
Mewn partneriaeth â Llywodraeth Cymru, braf oedd cael croesawu rhai o ysgolion gogledd Cymru i'r Gynhadledd Darganfod Economeg.
Cynhadledd Darganfod Economeg Hydref 2024
Cymerodd disgyblion o flynyddoedd 11, 12 a 13 ran mewn dysgu rhyngweithiol, a oedd yn arddangos pŵer trawsnewidiol economeg a'r cyfleoedd gyrfa amrywiol sydd ar gael.
Her Fuddsoddi Mehefin 2025
Daeth disgyblion o Ysgol Bodedern ac Ysgol Syr Thomas Jones i gymryd rhan yn yr Her Fuddsoddi.
Her Fuddsoddi Mehefin 2025
Daeth disgyblion o Goleg Myddelton i gymryd rhan yn yr Her Fuddsoddi.
Cynhadledd Darganfod Economeg
Staff Academaidd Ysgol Fusnes Albert Gubay yn cyd-weithio gyda Llywodraeth Cymru.
"Diolch i'r tîm allgymorth, mae'r 'Gweithdy Arweinyddiaeth Uchelgeisiol 'wedi cael effaith gadarnhaol iawn ar y dysgwyr. Roedd y sesiynau'n ardderchog, wedi'u cyflwyno ar y lefel gywir ac yn galluogi dysgwyr i ddatblygu eu sgiliau gwaith tîm, creadigrwydd, datrys problemau a chyfathrebu."
Cwrdd â'r Tîm Allgymorth ac Ymgysylltu
Cwrdd â'r Tîm Allgymorth ac Ymgysylltu
Emma Herbert
Gweinyddwr yr Ysgol Fusnes Alber Gubay
Sioned Hughes
Swyddog Marchnata Ysgol Fusnes Albert Gubay
Ysgol Fusens Albert Gubay, Prifysgol Bangor, Bangor LL57 2DG
Cymryd Rhan
Ydych chi’n barod i ysbrydoli meddyliau ifanc a chreu cyfleoedd ar gyfer y dyfodol?
Byddai ein Tîm Allgymorth wrth eu boddau’n gweithio gyda'ch ysgol neu'ch coleg chi.
Gadewch i ni agor drysau, sbarduno uchelgais, a llunio’r dyfodol — gyda'n gilydd.