91¾«Æ·ºÚÁϳԹÏ

Plant ar Eiddo'r Brifysgol

Ar draws y Brifysgol, mae'n gyffredin gweithio gyda phlant neu gael plant yn ymweld i gymryd rhan mewn amrywiaeth o weithgareddau. Mae hefyd yn gyffredin gweld plant ar dir y Brifysgol neu'n cerdded trwy'r campws.

Fel y byddech yn ei ddisgwyl, mae lefel o gyfrifoldeb pan fydd plant yn ymweld â’r Brifysgol, a chan gofio hynny, mae isadeiledd a nifer o drefniadau a phrotocolau wedi’u rhoi ar waith i helpu i’w diogelu. Gall plant, yn enwedig plant sydd ar eu pennau eu hunain, wneud pob math o ddrygioni, ac yn aml mae angen i ni i gyd ystyried ‘sut gallen nhw frifo eu hunain’ wrth gynllunio digwyddiadau, a hyd yn oed wrth ddylunio safleoedd neu adeiladau newydd.

Ar gyfer Gweithgareddau wedi’u Cynllunio: i helpu i sicrhau iechyd, diogelwch a lles plant tra byddant yn y Brifysgol, mae'n hanfodol bod Colegau / Gwasanaethau yn ystyried y risg uwch i blant ac yn rhoi camau rheoli priodol ar waith i helpu i'w hamddiffyn. Mae enghreifftiau o weithgareddau’n cynnwys ymchwil, ymarfer hyfforddiant athrawon / sesiynau ymarferol, ymweliadau gan ysgolion (gan gynnwys gweithgareddau chwaraeon), profiad gwaith a phrofiad myfyrwyr, a phlant yn aros mewn Neuaddau Preswyl.

Ar gyfer ein Hamgylchedd: Mae’r Gwasanaethau Campws wedi asesu risgiau rhagweladwy nad ydynt yn cael eu profi mewn mannau cyhoeddus ehangach, ac yn ceisio atal niwed i blant.

Y diffiniadau iechyd a diogelwch cyfreithiol o ‘Blentyn’
Mae'r diffiniadau canlynol yn berthnasol i ddeddfwriaeth iechyd a diogelwch yn unig.

• Plentyn (Plant):  Plentyn yw unrhyw un nad ydynt eto wedi cyrraedd yr oedran swyddogol ar gyfer gadael ysgol. Bydd disgyblion yn cyrraedd yr oedran swyddogol ar gyfer gadael ysgol yn y flwyddyn ysgol pan fyddant yn troi’n 16 oed.

• Person Ifanc: Person ifanc yw unrhyw un sy’n hÅ·n na’r oedran swyddogol ar gyfer gadael ysgol ond nad ydynt yn 18 oed eto.

Defnyddir diffiniad gwahanol wrth gyfeirio at ‘ddiogelu’, a chaiff plentyn ei ystyried fel unrhyw un dan 18 oed. Cewch ragor o wybodaeth ar y dudalen hon o dan y pennawd Diogelu.

Cyfrifoldebau

Mae gan y Brifysgol ddyletswydd drwy Adran 3 o’r Ddeddf Iechyd a Diogelwch yn y Gwaith etc, a'i his-reoliadau, i wneud popeth sy'n rhesymol ymarferol i sicrhau diogelwch plant tra bônt ar eiddo'r Brifysgol ac wrth gymryd rhan mewn gweithgareddau o dan arweiniad y Brifysgol.

I gefnogi’r ymrwymiad hwn, mae polisi Iechyd a Diogelwch y Brifysgol yn cynnwys y gofyniad penodol canlynol o dan Adrannau 14.1, 14.3 a 14.4 (Plant a Phobl Ifanc), ac mae’n rhaid i bob Coleg a Gwasanaeth Proffesiynol gadw ato.

Plant ar Dir y Brifysgol (gan gynnwys heb awdurdod)

Mae’r rhan fwyaf o diroedd, meysydd parcio a ffyrdd y Brifysgol ar agor i’r cyhoedd felly gall plant ddefnyddio ardaloedd fel maes chwarae neu fel llwybr cyflym. Er bod y Brifysgol yn gyfrifol am sicrhau iechyd a diogelwch unrhyw un ar ei heiddo, mae gan y Gwasanaethau Campws gyfrifoldeb cyffredinol i wneud popeth o fewn eu gallu i gadw mannau lle caniateir mynediad cyhoeddus a/neu pan mai hynny sy’n arferol, yn addas i’r diben a heb fod yn peri risg sylweddol.

Polisi I&D y Brifysgol

Mewn perthynas â phlant, mae Polisi Iechyd a Diogelwch y Brifysgol (Adran 14) yn nodi:

14.1        Mae’r brifysgol yn cydnabod ei dyletswydd estynedig dros sicrhau lles a diogelwch plant pan fyddant ar eiddo neu yn adeiladau'r brifysgol, neu wrth gymryd rhan mewngweithgareddau a arweinir gan y brifysgol. Rhaid ystyried y ddyletswydd estynedig hon gan bawb sy'n ymwneud i unrhyw raddau â goruchwylio neu reoli plant a phobl ifanc ac wrth gynnal asesiadau risg.

14.3        Rhaid i bob Coleg neu Wasanaeth Proffesiynol sy'n caniatáu neu'n gwahodd plant ar eiddo'r brifysgol, neu i gymryd rhan mewn gweithgareddau, sicrhau bod asesiad risg addas a digonol wedi ei gynnal, pan fo'r angen, a bod rheolau digonol yn eu lle.

14.4        Mae gofyn i'r Adran Eiddo a Gwasanaethau Campws ystyried risgiau i blant yn ei holl gynigion, dyluniadau, datblygiadau a chynnal a chadw adeiladau a mannau allanol, gan gynhyrchu asesiadau risg fel bo'n briodol i'r risgiau.

Gwybodaeth Bellach

Ceir gwybodaeth am y canlynol ar y Daflen Wybodaeth, sy’n cynnwys y penawdau canlynol:

• Dyletswyddau Cyffredinol y Colegau a’r Gwasanaethau Proffesiynol
• Plant yn Ymweld â Labordai a Gweithdai
• Dyletswyddau Ychwanegol y Gwasanaethau Proffesiynol
• Plant heb eu Goruchwylio
• Plant Contractwyr
• Ymweliadau gan Grwpiau

• Tudalen we Pobl Ifanc a Phlant yn y Gwaith.

• • Gellir dod o hyd i Asesiadau Risg enghreifftiol, megis asesiad risg Profiad Gwaith .

• Mae tudalen we hefyd yn ffynhonnell ddefnyddiol o wybodaeth.

• • I gael gwybodaeth am fynd â phlant i ddarlithoedd, gweler tudalennau gwe’r .