91¾«Æ·ºÚÁϳԹÏ

Pobl Ifanc a Phlant yn y Gwaith

At ddibenion deddfwriaeth Iechyd a Diogelwch, person ifanc yw unrhyw un sy’n hŷn na’r oedran swyddogol ar gyfer gadael ysgol ac o dan 18 oed, ac fel arfer cyfeirir at blentyn fel unrhyw un o dan yr oedran swyddogol ar gyfer gadael ysgol. Sylwch fod terminoleg iechyd a diogelwch yn wahanol i ddiffiniadau 'diogelu'.

Cyfrifoldebau am Iechyd a Diogelwch

Myfyriwr Cofrestredig
Os yw person ifanc yn fyfyriwr cofrestredig, mae gan y Brifysgol yr un cyfrifoldeb iddyn nhw o ran iechyd a diogelwch ag sydd ganddi i bob myfyriwr arall, gan ystyried risgiau posibl a allai godi oherwydd diffyg profiad y person ifanc, eu hymwybyddiaeth o risgiau presennol neu bosibl a/neu ddiffyg aeddfedrwydd (corfforol a meddyliol). Bydd materion Diogelu ychwanegol hefyd yn berthnasol.

Ymweld
Pan fydd plentyn neu berson ifanc yn ymweld â'r Brifysgol, dylai'r Coleg neu'r Gwasanaeth sydd wedi eu gwahodd ystyried y risgiau uwch i'r plentyn hwnnw o gymryd rhan mewn gweithgareddau. Bydd y Brifysgol, trwy’r Gwasanaethau Campws, yn gwneud popeth sy'n rhesymol i sicrhau bod y mannau hyn yn addas i’r diben ac nad ydynt yn peri risg. Gwelwch dudalennau gwe’r Gwasanaeth Iechyd a Diogelwch (bangor.ac.uk) am ragor o wybodaeth am iechyd a diogelwch.

Gweithiwr a Phrofiad Gwaith - Gwelwch hefyd yr adran nesaf am Asesu Risg a Pheryglon
Pan fo’r person ifanc neu’r plentyn yn mynychu’r Brifysgol ar gyfer profiad gwaith neu fel gweithiwr, mae gan y Brifysgol yr un cyfrifoldebau a dyletswyddau iddyn nhw ag sydd ganddi i’r holl staff eraill, a bydd yn gwneud popeth sy’n rhesymol ymarferol i sicrhau eu diogelwch tra byddant ar eiddo’r Brifysgol a thra byddant yn cymryd rhan mewn gweithgareddau a arweinir gan y Brifysgol.

Pan fydd person ifanc yn dymuno cael profiad gwaith yn y Brifysgol, mae'n rhaid i'r Coleg neu'r Gwasanaeth Proffesiynol sy'n eu croesawu ddilyn gweithdrefnau penodol ar ddiogelu plant. , fel arfer o leiaf 8 wythnos cyn y lleoliad.

Yng nghyd-destun camau rheoli iechyd a diogelwch, nodir y bydd person ifanc sy’n cael profiad gwaith yn y Brifysgol yn cael eu trin fel gweithiwr ‘dibrofiad’. Defnyddir camau rheoli a goruchwylio addas o ran iechyd a diogelwch , sy’n ystyried y risgiau ychwanegol oherwydd eu hanaeddfedrwydd.

Mae gan y Brifysgol yr un cyfrifoldebau a dyletswyddau i bobl ifanc ag sydd ganddi i’r holl staff eraill. Hynny yw, gwneud popeth sy'n rhesymol ymarferol i sicrhau eu diogelwch tra byddant ar eiddo'r brifysgol a thra byddant yn cymryd rhan mewn gweithgareddau a arweinir gan y Brifysgol.

Asesu Risg a Pheryglon

Rhaid i'r Coleg/Gwasanaeth ystyried asesiadau risg presennol o ran iechyd a diogelwch i gadarnhau eu bod yn addas ac yn rhoi ystyriaeth briodol i’r agweddau pwysig canlynol a all fod yn berthnasol i lawer o blant a phobl ifanc:

• diffyg profiad neu ddiffyg aeddfedrwydd posibl
• efallai nad ydynt wedi cyrraedd aeddfedrwydd corfforol ac nad oes ganddynt y cryfder i wneud rhai tasgau
• gallant fod yn rhy awyddus i wneud argraff neu i blesio’r bobl y maent yn gweithio gyda nhw
• efallai nad ydynt yn ymwybodol o sut i godi pryderon
• efallai nad ydynt yn ymwybodol o risgiau presennol neu risgiau posibl ac efallai na fyddant yn canfod risg yn yr un ffordd â chydweithwyr
• efallai bod ganddynt gyflyrau iechyd neu anawsterau dysgu

Os yw’r person ifanc yn gweithio mewn amgylchedd risg uwch, mae’n rhaid i chi ystyried y gallant ddod i gysylltiad â’r risgiau canlynol, ac mae’n rhaid i chi asesu’r mesurau rheoli presennol ac i ba raddau y byddant yn dod i gysylltiad â’r risgiau hynny. Gall enghreifftiau gynnwys dod i gysylltiad ag ymbelydredd, sylweddau gwenwynig, sŵn, dirgryniad, neu dymereddau eithafol.

Cyfyngiadau Penodol: Mae'r cyfyngiadau penodol canlynol, a ddaw o ddeddfwriaeth a Pholisïau'r Brifysgol, yn berthnasol i'r gwaith y gall pobl ifanc o dan 18 ac o dan 16 ei wneud tra byddant ar leoliad profiad gwaith yn y Brifysgol.

Byddwch yn ymwybodol o’r peryglon hyn a'r terfynau oedran cyfreithiol ar gyfer defnyddio rhai peiriannau, deunyddiau ac offer.

Pwysig: Rhaid i asesiadau risg fod ar gael a’u rhannu â rhiant, gofalwr, ysgol neu warcheidwad y person ifanc, fel y bo’n briodol.

Gwybodaeth, Hyfforddiant, a Goruchwyliaeth

Mae cyfarwyddiadau, hyfforddiant a goruchwyliaeth ddigonol yn hanfodol, oherwydd efallai mai dyma'r tro cyntaf i berson ifanc neu blentyn fod mewn lleoliad gwaith. Rhaid i gyfarwyddiadau a hyfforddiant fod yn glir, a rhaid i chi wirio i wneud yn siŵr eu bod yn deall popeth rydych wedi'i ddweud wrthynt, fel eu bod yn gwerthfawrogi pwysigrwydd y peryglon a'r risgiau iechyd a diogelwch ac nad ydynt yn rhoi eu hunain nac eraill mewn perygl. Mae hyn yn cynnwys bod yn ymwybodol o'r hyn y gallant a’r hyn na allant ei wneud, gyda phwy i siarad os oes ganddynt bryderon, a beth i'w wneud mewn argyfwng.

Gan y gallai fod angen mwy o oruchwyliaeth ar bobl ifanc nag ar oedolion profiadol, efallai y byddwch yn ystyried penodi mwy nag un goruchwyliwr. Sicrhewch eu bod yn gwybod sut i godi pryderon os ydynt yn ansicr ynghylch unrhyw gyfarwyddiadau, a gwiriwch gynnydd yn amlach nag y byddech fel arfer. Mewn rhai achosion, efallai y bydd angen cael awdurdodiad i’r goruchwylwyr mewn perthynas â Diogelu.

Cynefino

Yn yr un modd â gyda dechreuwyr newydd, dylid cynnal sesiwn gynefino ar y safle cyn gynted â phosibl i drafod y rheolau a’r gweithdrefnau lleol o ran iechyd, diogelwch a threfniadau amgylcheddol.

• Enghraifft o Restr Wirio Sesiwn Gynefino Iechyd a Diogelwch ar gyfer Staff ac Ymwelwyr
• Enghraifft o Restr Wirio Sesiwn Gynefino Iechyd a Diogelwch ar gyfer Profiad Gwaith

Gwybodaeth Bellach

• Plant ar Eiddo’r Brifysgol
• Taflen Wybodaeth am Iechyd a Diogelwch Plant ar Eiddo’r Brifysgol ac wrth gymryd rhan mewn gweithgareddau a arweinir gan y Brifysgol
• , er enghraifft asesiad risg Profiad Gwaith
• Gwybodaeth gan y Gweithrediaeth Iechyd a Diogelwch am
• : Rheoliad 19 - Amddiffyn pobl ifanc